Cantante Jose Jose hospitalisa un biaha mas

0

ENTERTAINMENT

MIAMI, Merca- José Rómulo Sosa Ortiz, miho conoci como José José, a wordo hospitalisa na Miami despues di a yega e aeropuerto internaciona di e ciudad diaranson den oranan di marduga. E cantante a yega den un vuelo priva for di Toluca, Mexico.
Aña pasa e cantante Mexicano a anuncia cu e tin cancer di pancreas. Su famia ta di opinion cu na Merca e lo por haya un miho atencion medico.
Fuentenan cercando di e ‘Príncipe de la canción’, cita pa e agencia EFE, a comenta cu faminana di Jose Jose, den e ultimo horanan a “biba momentonan di hopi nervio” y ta keda preocupa pa su estado di salud.
E artista di 69 aña, ta pisa menos di 45 kilo y no ta capas di cana ariba su mesun forsa. El a wordo hospitalisa na Mexico dia 11 di Januari pa un problema di nutricion y el a keda interna te dia 31.

Fuente: https://www.efe.com/

Comments

comments