E cantante Brasilero Loalwa Braz Vieira, interprete di e exito mundial Lambada, diahuebs a wordo haya carbonisa den su auto na Saquerema, den e region di Rio di Janeiro.
Segun prensa Brazilero, e curpa a wordo haya carbonisa den e interior di e auto di e cantante di e grupo Kaoma, no mucho leu di su cas.
Dos homber arma a wordo mira den cercania di e cas di e cantante, durante oranan di anochi. Esaki ta segun informacionnan preliminar di Polis Militar. Pero ta poco prematuro pa establece un relacion formal cu e difunto.
Fuente: Globovision