ALABAMA, Merca- E senador Mericano, acusa di abuso sexual, Roy Moore a perde e bataya pa un asiento den Senado pa Alabama. E tabata den un eleccionnan primario hunto cu e Democrata Doug Jones. Esaki sigur tabata un eleccion hopi cera.
Esaki segun medionan di comunicacion Mericano, awo cu 90% di tur e votonan ta conta.
E eleccionnan primario pa un asiento den Senado tabata, pa mas di un motibo bou di un vergrootglas. E atencion pa e eleccion aki tabata grandi. E storianan di acusacionnan contra di Roy Moore a cobra mas forsa, door di e tur e storianan di #MeToo di e ultimo simannan.
Di dos, door cu Presidente Trump mester di un mayoria, aunke sea chikito di Republicanonan den Congreso pa ehecuta su plannan. Republicanonan awo ta den un posicion vulnerabel. E victoria di Doug Jones ta un masha mal noticia pa Trump.
Trump mes a core campaña fervientemente pa Moore durante e ultimo simannan.
Pero Moore mes, semper a nenga tur e acusacionnan.
E asiento aki ta super importante pa e partido Republicano, door cu e mayoria den Senado ta minimo 52 di e 100 asientonan. Aworaki nan tin 51. Mayoria di e plannan di Trump a fracasa e aña aki, door cu dos of tres Senador di su mesun partido a vota contra.
Ta prome biaha den 25 aña cu un Democrata ta gana den e estado conservativo di Alabama.
Fuente: https://www.rtlnieuws.nl/