WASHINGTON, D.C., Merca- Roy Moore, aspirante republicano pa Senado Mericano, a wordo acusa di a abusa di un hoben di 14 aña casi 40 aña pasa. Lidernan di su propio partido a pidi pa e renuncia na su candidatura.
E corant The Washington Post a publica e denuncianan di Leigh Corfman, kende cu 53 aña di edad a sigura cu Moore a abusa di dje, 40 aña pasa. Otro tres muhe tambe a bisa cu e aspirante na Senado a purba seducinan tempo cu nan tabata menor di edad.
“Washington Post (..) cu aña pasa a acusa Donald Trump, e biaha aki ta e mesun corant cu ta acusando e hues Roy Moore. Un coincidencia esaki ta?”, Steve Bannon, ex consehero di White House, a sigura.
Di otro banda, e politico Mericano, John McCain a scirbi riba su cuenta di Twitter cu “e acusacionnan contra di Roy Moore ta profundamente pertubador y descalificante. E mester hala un banda di biaha y permiti e pueblo di Alabama di eligi un persona di kende nan por sintinan mes orguyoso”.
Fuente: http://www.ntn24.com/