Diabierna merdia habitante nan di Nuñe tawata tin molester di huma y a notifica polis. Mesora ta dirigi un patruya di Noord na e sitio y na yegada di e patruya a controla rond y a bin topa cu un container na candela. Den e container tawata tin yen di articulo bieu manera meubels etc. Pero e informe cu brandweer a haya ta indica cu ta klapchi lo tin den e container. Door di esei brandweer a bin cu urgencia y tambe brandweer no a tuma riesgo y a bay cu cautela y tambe segun proceduranan ora ta trata di klapchi. Pero ora a habri e container ta puro palo bieu y meubels tawata tin aden. Brandweer a paga e candela. Bisiña nan ey banda tawata reclama cu ta tur siman e homber Portuges ta cende yerba na candela causando molester pa ful e bario. Polis a tuma dato.