CALIFORNIA, Merca- Un candela grandi di e magnitud cu ta afecta e condado di Ventura, California a obliga trucknan di brandweer y helicopter na yuda di manera urgente dialuna anochi. Mas di 100 mil persona ta sin coriente y mas di 600 cas a wordo evacua.
Esaki a pone cu e condado di Ventura den un alerta maximo. E candela ta crece rapidamente y ya caba a raspa 2 mil hectar. E candela a origina cerca di e scol Thomas Aquino na Santa Paula, na 115 km di Los Angeles.
“Nos ta purbando di cera e vlamnan mas lihe posibel”, Jason Hodge, bombero di e condado di Ventura, a sigura.
Segun e website di Telemundo, tin reportenan di cortenan di energia a traves di e condado di Ventura, unda cu a autoridadnan, ademas di e 600 casnan, mester a evacua un universidad den cercania tambe.
Autoridadnan a informa cu e bientonan fuerte ta extende e candela “Thomas” (yama na nomber di e scol), den direccion di e ciudadnan di Santa Paula y Ventura, unda cerca di 140 mil persona ta biba.
Varios medionan di comunicacion local a señala cu al menos dos infrastructura a keda completamente destrui door di e candela.
Fuente: https://www.infobae.com