Diasabra anochi manera custumber di tur aña riba dia di Dera Gai e mondi cu tin na Tanki Leendert net banda di Trimon’s Welding ta wordo cendi na candela.
E candela a expande bira grandi lihe. Un unidad di brandweer a keda manda di biaha pa e sitio. Na e sitio brandweer a spuit e bandanan unda e candela tawata forma peliger pa un cas pero e resto di mondi brandweer a laga e candela mes paga di su mes ya cu no tawata tin peliger pa e candela expande.
Claro cu brandweer ta keda monitor e situacion no cu nan ta djies hisa benta bay y laga e candela pa su cuenta. Un rato despues e candela a caba por completo. Mester bisa si cu e molester di huma tawata hopi pa e bisiñanan.