MOSCU, Rusia- Diadomingo 64 persona a muri den n candela cu a destrui un centro comercial den e ciudad Kemerovo, zuidoost di Rusia.
Segun calculonan, entre e victimanan por tin mas di 40 mucha y tin 16 persona disparce, funcionarionan Ruso a informa.
E candela a cuminsa den e di cuater piso di e edificio Winter Cherry y mayoria di e victimanan tabata den un cine.
Riba rednan social un video a keda publica caminda por wak con e personanan tabata bula ventana pa scapa di e candela.
E huma intenso cu tabata sali for di e bentananan di e centro comercial mientras cu bomberonan tabata haciendo nan maximo esfuerso pa evacua e edificio.
Causa di e candela no ta conoci, pero autoridadnan a cuminsa un investigacion.
E compleho a wordo inaugura na 2013 y ta inclui cine, restaurant, un sauna, un sala di bowling y un dierentuin pa mucha.
Autoridadnan Ruso a duna un cifra inicial di 64 persona disparce, pero despues a aclaria esaki bisando cu e cifra ta inclui victimanan cu ainda no a wordo identifica.
Al menos nuebe di e curpanan rescata ta mucha y ainda ta buscando como 41 mucha mas cu no sa di nan.
E posibilidad di haya sobrevivientenan ta casi nulo, segun autoridadnan.
Fuente: http://www.bbc.com