Cancer na stoma ta un di e malesanan mas comun den personanan rond mundo. Miles di persona anualmente ta perde e bataya contra di e malesa teribel aki. Cancer di stoma ta e crecimento descontrola di celnan di e stoma y di eynan e formamento di tumor den e celnan ta cuminsa.
E malesa aki por tarda añas pa desaroya, ademas di cu su tratamento por yega laat. Kimoterapia y radioterapia ta consisti di varios sesion, tanto prome como despues di e operacion pa saca e tumor for di den nos stoma.
Ta pa e motibo aki nos mester ta mas consciente di loke ta pasa den nos curpa y asina nos ta completamente sigur di cu nada malo lo no bay pasa. Den caso di cu algun sintoma presenta, por tuma medidanan pa evita cualkier problema den futuro.
Aunke na comienso, cancer na stoma no ta desaroya ningun sintoma significativo, mayoria di personanan cu ta sufri di e malesa aki tin problemanan gastrointestinal.
E problemanan aki por varia ya cu e por ta distension, acidez, e sensacion di ta yen y den algun caso, gas, cual lo por intensifica segun e malesa ta avansa.
Sintomanan cu por aparece ora cu e cancer ya a desaroya caba:
* Perdida di peso.
* Deterioro di e salud en general.
* Sacamento cu sanger.
* Cansacancio y debilidad.
* Falta di apetito
* Nausea.
* Sensacion di dolor of e sensacion di cu bo bariga ta yen, despues di a come un tiki cuminda.
* Puyamento mas di lo normal.
* Bo af ta full preto
* Dificultad pa come cu segun e tempo ta pasa, ta bira pio.
Evita di come alimentonan manera bbq, alimentonan seco y salo por yuda den e prevencion di e tipo di cancer aki, como tambe aumenta e comemento di fruta y berdura. Laga tabaco un banda, cu aunke e ta afecta e pulmonnan tambe, e tin su nivel dañino na nivel estomacal.
Ta sumamente importante den un situacion asina pa ta totalmente atento ariba e señalnan cu nos curpa ta duna, y asina nos lo por evita problemanan cu nos salud.