CANADA – Canada lo bay tuma otro aña mas of menos 300 mil imigrante. Esaki ta segun e minister di imigracion, John McCallum, Reuters a publica. E pais ta tene su mes ocupa cu e cantidad actual di imigrante cu ta wordo permiti, te na descontento di varios compania cu pa motibonan economico ta prefera di mira mas imigrante den e pais aki.
E aña aki entre 280 y 305 mil permiso di estadia permanente a wordo poni disponibel na Canada. Na 2015 e cantidad tabata riba 279.200. Contrario na hopi otro pais, Canada, un pais cu 35 miyon di habitante, a tuma un cantidad basta bon di refugiadonan economico. Esaki tin di haber cu e prome minister progresivo Justin Trudeau, segun redactor di NRC, Frank Kuin.
Critica
Algun compania kier mira pa establece pa e proximo cinco añanan un total di 450 mil permiso di estadia. E companianan aki ta propone cu pa tin mas crecemento economico, cu mas talento ta necesario. E cantidadnan aki tambe a wordo nombra pa e organo di conseho economico di e Gobierno dos siman pasa.
Segun minister McCallum e cantidad proponi di 300 mil imigrante ta cumpli te asina leu y e fluho di migracion den futuro por wordo amplia. El a nenga cu e gobierno a wordo influencia den e tumamento di decision, door di e critica for di e skina anti migratorio di e pais.
Fuente: NRC.nl