NORTH DAKOTA – E campo den North Dakota (Merca) caminda cu opositornan pa lunanan largo, tabata tin accionnan contra instalacion di petroleo planea, ta casi full evacua. Segun Doug Burgum, e gobernador Republicano di e estado, ainda tin 25 pa 50 activista.
Durante e dianan piek di e protesta tabata tin di 5 pa 10 mil persona. E campo awo ta wordo ontruimd, segun ordo di e gobernador, pasobra e riu cercano Cannonball Riber, por desborda.
Protesta
E campo ta para desde Augustus aña pasa, na rand di e reservacion Standing Rock Sioux. Demostrantenan a reuni eynan pa protesta contra e liña di petroleo cu sin mas lo a wordo poni cerca di e reservacion. E activistanan y e Indjannan Sioux tin miedo cu e tuberianan aki por contamina nan suministro di awa. Fuera di esey e Indjannan ta contra e desacramento di e tera caminda cu nan ta bibando pa siglonan largo. Durante e protesta un total di 700 persona a wordo deteni.
Decreto
Presidente Donald Trump kier pa e tuberia aki bin, pasobra cu su introduccion, por bin dies di miles di trabao nobo. El a firma corto despues di su inauguracion un decreto presidencial pa asina cuminsa bek cu ponemento di e tubonan.
Fuente: RTL Nieuws