Diasabra ultimo e campeonato den e deporte di domino organisa pa Aruba Domino Bond a yega su gran final. Mester bisa cu despues di cinco luna intensivo di wega casi tur siman, a conoce esnan cu a triunfa den e campeonato 2016. Na compleho di Riverplate na Playa Pabou a termina e campeonato unda a conoce e gran ekipo ganado di Domino 2016.
Como e campeon e keda e ekipo di Noordstars “Pizza hut” Domino team mientras na di dos luga a keda e legendario ekipo di Old Parr domino team. Na di tres luga nos a haya Ottley’s domino teamy na di 4 lugar Xtreme domino team. Presidente di Aruba Domino Bond, bou encargo di Sra. Soraida Boekhoudt, ta masha contento con e campeonato 2016 di domino a transcuri y na mesun momento kier a gradici Sportsubsidie Commissie como tambe Balashi Brouwerij pa nan aporte na e deporte di Domino.
Un danki na Lotto, e loteria di Aruba cu pa medio di Comision di Subsidio cu a yuda subsidia e Campeonato di domino 2016 organisa pa Aruba Domino Bond.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.