Campeonato Arubano di Kendo 2017 relaciona cu e celebracion di e ASU Olimpiada 2017

0

Diadomingo ultimo Bun Bu Itchi Kendo Aruba a organisa e campeonato Arubano di Kendo 2017 esaki enconexion cu e celebracion di e ASU Olimpiada 2017. Mester bisa cu e competencia a tuma lugar den e sala di Scol Preparatorio Washington na Noord. E atendencia di campeonato tabata hopi bon unda chikito y grandi a duna acto di presencia na e campeonato aki. Por a competi den diferente categorianan manera principiante, hubenil, avansa/open.

E resultadonan ta como lo siguiente, den e categoria principiante nos a haya 1. Methis Delany, 2. Isis Delany y 3. Giovanni Delany. Den e categoria hubenil 1. Danbi Velásquez, 2. James Lu, 3. Vincent van Lindert y 4. Raymond Browne.Por ultimo den e categoria Avansa/Opennos ta haya 1. Pim Willems, 2. James Lu, 3. Angela Lie-A-Lien y 4. Elton Vrolijk.

Kendo ta un arte marcial Japones cu ta bini di Kenjutsu unda nan ta uza e Shinai di bamboe y un casco pa proteha yama Bogu. Awendia Kendo ta super popular rond mundo principalmente na e pais di origen Japon. Kendo ta un actividad cu ta combina practica y valornan di arte marcial cu un actvidad fisico extenso y deportivo. Den e ultimo añanan na Aruba e deporte di arte martial aki a bira popular unda chikito y grandi ta praktica esaki cu e organisacion di Bun Bu Itchi – Kendo Aruba bou maneho di Sergio Velasquez.

Un danki sigur na Lotto, e Loteria di Aruba pa medio di Comision di Subsidio cu a yuda subisdia e competencia di Kendo enconexion cu e celebracion di e ASU Olimpiada 2017.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

LEAVE A REPLY

Please enter your comment!
Please enter your name here