Recientemente e ley di BBO y BAZV a conoce algun cambio caminda a adapta entre otro e tarifa di BAZV di 2% na 3%.
Alabes a introduci un belasting nobo cu un tarifa di 1,5% yama “Belasting Additionele Voorzieningen PPS-projecten”, abrevia como BAVP. E tarifanan nobo ta valido entrante 1 di juli 2018. E declaracion y pago conforme e tarifa nobo di BBO, BAZV y BAVP lo mester sosode no mas tarda cu 15 di augustus 2018.
Pa e declaracion di juli te cu december 2018, mester uza e mesun formulario di declaracion di BBO/BAZV cu a ricibi caba di nos na comienso di aña.