Stress tambe ta hunga un rol den nos estado fisico y nos salud di un manera of otro. Asina ta cu cambionan den nos columna vertebral debi na esaki ta un muestra di esaki.
Siguientemente ta splica tur e cambionan y anomalia cu ta keda produci den e zona aki debi na e nervionan.
Di mes manera, a keda demostra cu un nivel halto di stress ta aumenta e risicio di desaroya malesanan psicosomatico.
1. Dolornan den e parti cervical superior di e columna
Problemanan di dolor den e zona di e nek ta wordo provoca pa un trauma psicologico. Esaki por ta debi na un exceso di responsabilidad y problema.
Ora cu e organismo ta sint’e gestress, e ta reacciona di e manera aki.
2. Mayor probabilidad di desaroya scoliosis
Cu stress nos chens ta mas grandi pa desaroya scoliosis. Ta trata aki di un dolencia cu por bin ora cu e persona tin su lomba mucho dobla den diferente circumstancia. Esaki ta bin mas tanto ora cu e persona wordo someti na un presion fuerte na cas of na trabao.
3. Dolor den e parti abao di e columna
Dolor na e cintura
Stress por causa tambe un dolor fuerte den e zona abao di e columna, casi na altura di e cintura. Si bo ta ripara cu bo ta sufri hopi di e tipo di malestarnan aki sin motibo aparente, y bo no a subi di peso, probablemente e causa di bo problema por ta psicologico.
Hopi biaha, stress y preocupacion ta surgi debi na problemanan laboral of personal, asina ta cu purba identifica kico ta preocupabo y soluciona esaki.
Dolor na bo coxis (rabo)
Otro di e zonanan cu tambe ta wordo afecta y cu ta den e zona mas abao di e lomba ta e coxis (rabo). E zona aki ta un di esunnan mas afecta door di stress. Ta trata di un parti cu mas dolor ta haci, mas ainda si den pasado bo tabata tin un lesion eynan.
Pa purba soluciona e tipo di dolornan aki, ta miho pa purba fortalece e musculonan abdominal y di parti abao di e lomba. Asina bo lo preserva e salud di bo columna vertebral. Tene na cuenta cu bo zona adbominal ta esun cu ta wanta full bo curpa y ta yuda na reduci e carga cu e peso ta ocasiona na e lomba.
Asina ta, cu un paar di musculonan abdominal fuerte, bo columna vertebral lo tin un miho respaldo natural.
Otro motibo pa cual bo tin dolor di lomba
• Problemanan relaciona cu e postura. Ta mas comun di loke nos ta pensa ya cu, debi na e factornan manera trabao di horanan largo den e mesun posicion, ta pone cu nos ta cuminsa sufri di torticolis.
• Problemanan degenerativo provoca mas tanto pa e desgaste den e articulacion, manera artrosis.
• Problemanan relaciona cu disconan vertebral, cu ta esunnan encarga di amortigua y proteha e columna vertebral, na final ta esun cu ta causa daño na e columba vertebral.
• Den hopi ocasion esaki ta debi na traumatismo ocasiona door di accidente, dislocacion, hernia y traumanan muscular.
• Otro di e motibonan, aunke e no ta hopi frecuente ni conoci, tambe ta posibel cu bo ta sufri di un infeccion neurologico.
Den e caso aki ta papia di tuberculosis of meningitis, of tumor y malesanan inflamatoria manera atritis reumatoide.
Kico pa haci?
Den cualkier caso, cualkier motibo cu ta causa e malestarnan aki, lo mestr busca un tratamento pa caba cu esaki, manera remedinan, of cirugia. Terapia hopi biaha, sigui pa rehabilitacion pa recupera e funcion di e articulacion y di e musculonan afecta.
Pero tene na cuenta, si nos no haya sa kico ta e motibo di e dolornan, of e centro di stress cu ta causa nos e dolornan aki.
Si bo ta un persona cu ta wordo someti na manera sigui na situacionnan di stress, no laga esaki stroba e actividad di e sistema nervioso.
P’esey, incorpora un serie di habitonan cu ta permitibo cuida e zona aki di e curpa. Haci’e di manera regular, prome cu bo desaroya algun tipo di traumatismo of problemanan grave.