Sr. Roderick Croes, director di Aduana ta splica dicon mester haci cambio di e personal na Barcadera.
Segun Sr. Croes, kisas sindicato SADA ta referi na armanan di candela, ta algo cu ta wordo duna door di e Hoofd van Dienst na Aduana, e no ta parti di nan uniform. Pero tampoco e no ta hinca den ley cu nan meste tin’e. Aduana ta tene cuenta cu tin peligernan cu lo por presenta na Barcadera y nan ta trahando cu arma. Ta berdad, cu dia 15 proximo lo tin cambio. E ta mas cu claro cu despues cu tin tanto trahando na un seccion di Aduana, ta importante pa bin cambio. E cambio ta pa proteha e dienst y e personanan pa cosnan cu por pasa. Y naturalmente pa tin un diversificacion di un trabao cu e personanan ta haci. Ta bon pa e duaneronan ta traha diferente caminda
E cambio aki di dia 15, ta pasobra cu e personal na Barcadera ya caba tin 5 aña trahando na un post. Normalmente ta 3 aña, pero aki tin 5 aña y ta bon pa tin cambio. Mester ta colegial cu otro, esunnan cu a traha tanto tempo na waf, kier siña algo nobo,como tambe esunnan cu ta traha na aeropuerto. A regel pa e training di ‘vuurwapen’ cu ta wordo referi nan dje, pa e training cuminsa dia 16 caba. Pa mita di otro luna, tur hende lo ta cla caba y ta traha arma.
E situacion na Venezuela ta un situacion nobo y no sa con esaki lo desaroya. Directiva di Aduana ta keda responsabel pa si algo pasa, cu e trahado. Den cualkier caso, ta responsabilidad di leiding. Leiding tin cu tuma su decisionnan basa ariba evaluacionnan cu ta wordo haci, den un management team consistiendo di huristanan di Douane, conhuntamente cu esun cu ta traha den e parti operacional, hunto cu e chef di e seccionnan, cu tur ta Hoofd Verificateur.
E cambionan ta basa ariba evaluacionnan cu ta bin y cu ta pensa ariba nan conhuntamente, pakico e ta necesario. Proceduranan ta cambia, pero e proceso ta keda mescos. Inklaring, etc. En principio ora cu e pasahero yega Aruba, tur cos ta bay normal. Ta ora cu e procedura ta cambia pa e trahado. E ora eseynan cu e trahado tin cu custumbra cun’e, y pa nan haya un poco mas experiencia na e mesun seccion eynan, segun Sr. Roderick Croes, director di Cuerpo di Aduana.