Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda principal di Oranjestad pa San Nicolas cu entrante diahuebs 19 di april 2018 te cu 24 di april 2018, for di 9’or di mainta pa 4’or di atardi lo cera e caminda entre rotonde Pos Chikito pa rotonde Kibaima direccion Oranjestad. Motibo di e ceramento lo ta pa haci trabounan di mantencion.
E desviacionnan di caminda ta lo siguiente:
Trafico for di San Nicolas direccion Oranjestad, ta wordo desvia na e rotonde di Pos Chikito, pasa dilanti di Tele Aruba y sali na e rotonde di Kibaima direccion Oranjestad.
En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindanan menciona y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.