Un grupo di investigadonan Mexicano di e Grupo di Ecologia y Conservacion di Islanan (GECI) a realisa un estudio unda cu, según e autornan, ta mustra bon cla cu si den 100 aña e cambio climatico sigui na e mesun ritmo, Mexico lo perde 4.3% di su Zona Economico Exclusivo (ZEE). Esaki ta e nomber duna na e franja maritimo den e lama teritorial cu ta extende na 370.4 km leu di e costanan contintental y insular.
Cu esaki e pais lo perde algun di su zonanan paradisicon unico y entre nan tin dos espacio, manera e Arrecife Alacranes y Cayo Arenas, cu tin un impacto ecologico special. Según e investigadonan, e dos zonanan aki lo disparce bou di awa den un siglo debi na e subida di e nivel di awa.
Cu esaki e Parke Nacional di Arrecife Alacranes y full e zona di coral cu ta rondona Cayo Arenas, e pais y mundo henter lo perde e dos unico paisahenan virgen y paradisico. E autornan di e estudio no a haci un calculacion di e perdidanan, pero si a avisa di e impacto cu esaki lo por tin ariba e especienan endemico (natural) cu ta habita den esakinan.