Washington, D.C., MERCA- Shete aña di esfuersonan Republicano pa eradica Presidente Barack Obama su logro domestico a termina diabierna prome cu e emiti un solo voto. Presidente di e Camara, Paul Ryan a retira na un manera sensacional su proyecto di revocacion di Obamacare. Esaki ta bin un dia despues cu Presidente Donald Trump a menasa di bandona e reforma di salud si e no haya votacion.
E decision pa retrasa e votacion ta marca un berguensa pa Trump, cu a gamble grandemente cu e conservadonan di e Camara di Representante cu un ultimatum di “take it- or leave it”, poniendo su propio credibilidad den wega.
Varios biaha Trump tabata señala directamente na e Democratanan cu tabata opone na e medida, na luga di su mesun partido, cu tin un mayoria importante den e Camara.
E fracaso ta pone Ryan tambe den un posicion politico hopi debil, despues di a wordo desafia pa durante su mesun conferencia, cu ta parce di ta inadecua den e era di Trump, manera cu en berdad e tabata ta, un coalicion di protesta bou di Obama.
Tabata cla durante un dia di intriganan politico intenso cu, a pesar di e manipulacion di Trump, Ryan y otro lidernan di cu e votonan simplemente no tabata eynan pa aproba e proyecto di ley y cu Cas Blanco tabata dirigi su mes ariba un derota desbalansa.
nan no tabata capas di cera e gap entre e conservadonan, cu ta kere cu e ley ta laga demasiado di e Obamacare intacto y e moderadonan cu ta preocupa cu nan lo paga un prijs demasiado halto si miyones di Americano perde nan seguro di salud.