Directora di Kamer van Koophandel, Sra. Sonja Veldhuizen a splica cu nan a organisa un curso di empresario independiente, chikito y mediano.
Esaki ta un curso pa prepara un hende bon cu si e kier lanta un compania. E ta mesun nivel cu e Middenstands diploma di Hulanda. Pero e aña aki e ta algo special, ay cu e curso ta mas largo. E cursistanan ta bay haya un chens pa traha un businessplan y despues nan por presenta esey na un hurado. Esey ta inclui un representante di Credit Aruba y tur e cursistanan cu gradua por bin na remarca pa un financiamento via Credits Aruba. Esaki kiermen cu nan por cuminsa cu nan negoshi di biaha. Esaki ta nan di cuater grupo, y aada aña ta cuminsa cu un curso.
Tin un total di 20 cursista ya cu e cuponan ta limita, y e curso aki ta hala hopi interes. E curso ta hopi intensivo y interactivo. Pa esey mas di 20 cursista no ta bon. Si tuma mas, e lo bira un tiki fastioso. Pa e curso aki tin varios docente, cada specialista ariba su mes tereno ta bay duna les. Nan ta bay haya conocemento riba e tereno di finanza, marketing, sales, servicio na cliente, belasting, Tur cos bo tin cu sa pa lanta un compania bon prepara.
E custo aki tin un duracion te cu Juni 2018 y ta dos biaha pa siman nan ta haya les na KvK. Na Juni nan tin un examen teoretico y un pitch pa defende nan businessplan. Despues nan lo haya dos sesion di coaching. Uno individual y un otro den grupo.
Motibo cu e cursonan ta asina largo, ya cu ta tuma hopi tempo pa prepara e lesnan. Cada les nan ta haya lesmateriaal nobo y prepara nan mes bon pa examen. Si nan no haal nan examen, nan no ta gradua.
Pa esunnan cu ta interesa nan por registra semper na Camara di Comercio, departamento di Business Information & Support of yama 5821566.
Pero e ta un intake gesprek ta tuma luga, pasobra esey ta importante, cu bo ta lanta un compania dentro di mas o menos dos aña. E coach Dave Martinez, ta coach un persona cu ta bay lanta un compania den futuro. Un hende cu kier lanta un negoshi dentro di dos aña.
Riba pregunta, si no por haci e curso aki dos biaha pa aña, Sra. Veldhuizen a bisa cu ta hopi dificil, ya cu Camara di Comercio ta organisa manera pa Financiele Administratie pa Comienso, Decisionmaking workshop, con pa traha un strategia. Dus ta organisa hopi cos pa educa y informa futuro empresario.
Doro cu tin hopi interes ta organisa Business Plaza, pa hendenan cu kier lanta un negoshi of expande nan negoshi. Camara di Comercio ta purba na organisa mas cos posibel, ya cu nan sa cu tin hopi interes. Pero den futuro si tin plannan pa organisa e curso aki na Ingles, ya cu tin interes pa cu esaki. Hulandes no ta un opcion. Door cu tin empresarionan di Merca, nan ta pidi pa organisa e curso na Ingles, sgun Sra. Sonja Veldhuizen, directora di Camara di Comercio.