MICHIGAN, Merca- Diadomingo, bishitanteann di un beach di e ciudad Grand Haven, na rand di e riu Michigan, a forma cadena humano pa rescata e personanan den e riu for di e olanan provoca pa e awasero fuerte.
Segun ABC News, rond di merdia rescatistanan a wordo informa di cu varios landado tabata lucha contra e awa den e riu. Na e sitio, nan a haya mas di un docena di persona uni na nan brasa purbando di haya un homber cu a disparce pa culpa di e coriente.
Den un esfuerso conhunto, tanto rescatistanan, como esunnan cu tabata baña den e riu a sigui traha hunto te ora cu nan a logra haya e landado bou di awa. Aunke, por desgracia, nan no a logra salb’e cu bida. Un di dos victima mortal cu a wordo lastra pe coriente tambe a wordo haya.
Pero, e cadena humano aki a yuda rescata cinco persona for di awa, tres di cual a wordo interna.