Diasabra atardi, den careda di 6’or y mey, patruya ta wordo dirigi pa central pa Alablanca Lottery situa den Alablancastraat pa molester di cachonan los. Eynan ta papia cu doño di e luga di catochi, kende a declara cu e bisiñanan tras di su cas tin dos cacho cu ta cana los y ta ataca su clientenan. Den cuadro di esaki a bay na e cas y a mira e dos cachonan ta cana pafo di cura di dos apartamento den Alablancastraat. A papia cu habitantenan di e dos apartamentonan y tur dos a declara cu e cachonan ta pertenece na e adres en cuestion. E damanan a sigui declara cu ora cu nan muchanan bay supermarket, e cachonan ta compaña nan. E damanan a wordo poni na altura cu e cachonan mester ta mara y tambe ora cu e muchanan bay supermercado, nan mester ta na un leash. E dos damanan a haya un advertencia y a wordo bisa claramente cu e proximo biaha nan lo haya un procesverbaal. Central a wordo poni na altura di e situacion.