Diadomingo, pa mas of menos 7’or y 35 di mainta, Central ta dirigi patruya na un adres na Sabana Liber pa un problema cu cachonan cu ta cana los. Eynan a papia cu e habitante Y, kende a declara cu su yiu muhe di 9 aña a wordo ataca pa algun cacho di su bisiña. Door di e atake, e mucha a core bay y a keda herida. El a declara cu un di e cachonan a morde su yiu na su brasa, pero el a haya esaki como consecuencia cu el a core bay, no di e cacho.
A bay na e adres di e bisiña y a papia cu e habitante y doño di e cacho, e homber JFLPVDB. Na momento cu el a habri e porta, polis a wordo ataca pa tres cacho. El a wordo atendi riba e situacion. El a declara cu e cachonan normalmente ta paden, pero de bes en cuando nan ta sali afo ora nan tin cu haci nan sushi. JFLPVDB a priminti pa busca un solucion y pa percura cu e cachonan no ta bay mas riba caya. Central a wordo poni na altura.