Cachonan canando los riba caya ta sigui di ta un problema

0

Diahuebs mainta, pa 8.20 di mainta, Central ta manda un patruya pa un adres na Jaburibari pa un problema entre bisiña. Na yegada patruya ta constata cu ta e cacho di bisiña a drenta cura di denunciante y e cacho no kier a sali for di e cura. polisnan a combersa cu e cabayero G, caminda esaki ta declara cu e cacho ya tin 4 anochi cu ta bula den su cura. E cacho ta sufri di carpata y ta causa hopi molester pa e cabayero G. A puntra G. si e ta duna e cacho cuminda, pero el a nenga esaki. Polisnan a logra saca e cacho for di e cura. Segun G., e cacho no tin doño. A splica G. pa tuma contacto cu instancianan concerni den caso cu e cacho sigui causa molester. Patruya a puntra den becindario si algun persona lo por sa ken ta doño di e cacho pero sin resultado. Mirando cu G ta un persona ya di edad avansa y cu e no tin casi niun famia na Aruba, lo sigui patruya durante oranan di dia pa cualkier eventualidad.
E caso tin atencion di autoridadnan.

Diahuebs atardi pa 3.30 Central ta manda patruya di Noord pa Seroe Janchi 57, caminda un cacho a drenta e propiedad en cuestion y a ataca e cacho di e doñonan di cas y esaki despues ta fayece. Segun e doño di e cas, di inicial V., e cacho en cuestion ta bin di e adres Seroe Janchi 109. Na momento cu e patruya a dirigi su mes pa e adres en cuestion, nan ta wordo acerca door di un colega di nan, kende ta declara cu un rato prome e cachonan di Seroe Janchi 109. Na yegada di e patruya, nan no ta haya e doño na cas, pero ta combersa cu e yiu homber. Esaki ta declara cu mas sigur su ruman lo a laga e porta di e garashi habri, y e cachonan a haya nan chance di scapa. E yiu homber a sali bay busca e dos cachonan.
Na warda e agentenan a tuma contacto cu e doño di e cachonan y a splica e situacion y cu e lo mester cubri e gastonan. El a bay di acuerdo.

Diahuebs anochi, central ta manda patruya pa percela Argentinastraat 15 en conexion cu cachonan cu ta los. Na yegada polis ta papia cu e dama di fam P., kende a declara cu durante dia ela pasa dilanti di e adres en cuestion y aki el a wordo ataca pa e cachonan di e cas. El a bin bek na e adres pa papia cu e doñonan, pero esakinan no a gusta e cuenta mucho. Habitantenan di e percela nr. 15 a declara cu nan cachonan tabata henter dia den nan cura y cu esaki ta halto suficiente cu e cachonan no por sali. Dilanti cas di un bisiña e agentenan a bin haya un di e cachonan tabata cana los. Polis a hala atencion di e doñonan riba e hecho cu ta laga e cacho ta cana los riba caya.

SHARE
Previous articleMichelle Obama durante ultimo speech como Primera Dama: “Mi ta spera cu boso ta orguyoso dimi”
Next articleCongreso di SEPPA a mustra cu tin hopi contrato di trabou pa regla den 2017