Centrale Post ta manda un patruya pa e parkeerplaats di ‘Natuur en Dierenbescherming” situa den Bernharstraat 75 pa un caso di vandalismo. Na e sitio polisnan ta papia cu e homber yama G. E ta declara cu un dia prome den oranan di merida un grupo di carbrito a subi riba e autonan den e parkeerplaats. E autonan a sufri daño na e hood y e bahul. Segun G. e cabritonan aki ta pertenece na J.M. El a sigui bisa polisnan cu nan ta cansa di e situacion aki caminda cu cabritonan ta cana rond di e edificio. A tuma nota di e denuncia y a tuma contacto tambe cu Polis di Bario, como tambe City Inspector. A tuma nota tambe di e dañonan na e autonan. Ta trata di tanto auto particular como auto di Dienst, cu a sufri daño.