Un bus cu 55 persona abordo, incluyendo muchanan di scol abordo a perde control y pega candela. Esaki a sosode na Italia, caminda 16 persona a perde nan bida.
E bus tabata transportando alumnonan for di Hungaria, a dal contra un pilon na momento cu e tabata saliendo for di e caretera principal for di Verona diabierna.
Servicio di bombero di Italia a bisa cu tin por lo menos 39 otro persona herida.
E bus tabata di regreso pa Budapest, for di Francia unda cu e muchanan tabata pasando un paar di dia di vakantie den e seronan.
Un gran cantidad di alumno, di mayoria mucha homber di entre 14 cu 18 aña a wordo saca for di e bus na momento di e accidente.
Motibo pa cual e bus a sali for di caretera no ta conoci.
Gran cantidad di alumno a wordo salba door di e meneer di gym cu a bay bek na e bus cu tabata na candela y a saca nan for di esaki.