Polisnan motoriza y unidad di Departamento transporte Publico tabata dilanti di Airport a para un party bus cu basta hende aden. Ta un bus cu ta conoci pa e departamento cu no tin su permiso regla pa haci tipo di actividad aki riba caya. Polis a controla e chauffeur y esaki a surpasa su limite di alcohol basta, a pone cu e bus no por bay ni dilanti ni patras. Hendenan a cuminsa rabia pa cu e caso y un cabayero a cuminsa stroba trabou di polis y a hala su atencion varios biaha y asina a detene pa no ta scucha y tabata den e bus tambe. A pone cu e doño di e bus mes a presenta pa core e bus cu tur hende aden bay su destino bek y e bus tin cu keda para te ora regla e documentonan necesario.