Bus di Salud ta den Bario di Noord dialuna awor

Instituto Biba Saludabel y Activo, IBiSA ta informa cu e ‘Bus di Salud’ ta den bario di Noord dialuna awor dia 28 di januari 2013. For di 8’or di mainta pa 12’or di merdia, e bus lo ta staciona dilanti di Boutique Giselle na Noord, pa cual IBiSA ta invita henter comunidad, specialmente e bario di Noord y vecindario pa pasa y haci uzo di e oportunidad GRATIS cu e bus ta ofrece pa bo por check bo sucu, presion y peso.

Di e forma aki IBiSA ta ofrece na comunidad conseho y guia di tur profesional con ta e mihor manera pa cuido di nos salud alabes ta promove pa  hiba un estilo di bida mas saludabel y activo. IBiSA ta sigui traha pa concientisa e pueblo di Aruba riba e importancia di salud y movecion.