Pronto lo tin un buki, dedica na memorianan y recuerdonan di Festival Voz-i-Landia Escolar, riba mercado.
Meta di e buki ta pa rescata memoria y duna homenahe na tur persona cu a sostene y duna aporte na realisacion di e festivalnan.
Durante mas di 35 aña Festival Voz-i-Landia Escolar a stimula varios hoben di scol basico di Aruba pa demostra nan talento den canto.
For di aña 1982 Festival Voz-i-Landia Escolar a contribui grandemente pa promove e idioma Papiamento cu cancionnan autentico na Papiamento.
Tambe e festival a inspira diferente persona pa demostra nan talentonan creativo: cantante, musico, compositor, areglista y maestronan di scolnan basico di Aruba.
Como un di e personanan cu a traha den organisacion, coordinacion y ehecucion di e programa di Festival Voz-i-Landia Escolar y como presidente di 1982-1995 di Fundacion Festival Voz-i-Landia Escolar, Jenny Laclé-Boezem a skirbi e buki.
Jenny ta duna su propio interpretacion di e festival y e forma den cual su persona a experencia Festival Voz-i-Landia Escolar.
Un suplica special pa por termina e buki.
Pa por termina e buki Jenny ta haci un apelacion na publico pa informacion adicional: tur persona cu por tin datonan relevante relaciona cu e resultadonan di Gran Final di e añanan cu a organisa e festival, por favor tuma contacto cu Jenny riba cel. 7426274 of tel 5868998 y/of e-mail [email protected] Ta trata di ganadonan di voz prome luga, voz di dos luga y voz tercer luga, cancion prome luga, cancion di dos luga y ganado popular. Mayornan di participantenan cu a gana den un di e festivalnan por fabor tuma contacto cu Jenny.