PUNDA, Korsou – E kompania di aviashon aleman Airberlin, ku a pidi bankarota luna pasa, a anulá mas o ménos 70 buelo despues ku 200 piloto a mèldu ‘ziek’.
Pa menshoná nòmber mester bisa ku esakinan tabata vuelonan for di Berlin, Düsseldorf, München i Hamburg. Segun e informashonnan di yegada na aeropuerto Hato e buelo pa Kòrsou lo a yega Kòrsou den oranan di mèrdia ku solamente un retraso di mas o ménos 1 ora i mei.Den un ‘memo’ gerensia di e kompania a bisa ku eksistensia di e kompania a bin kai den peliger debí na e ‘ziek meldingnan”. Airberlin ta buskando invershonistanan.
Aña pasa e kompania a hiba un pèrdida di 780 mion euro. E miedu ta ku e ‘ziek meldingnan’ do e pilotonan lo por spanta e invershonistanan, loke ta nifiká ku hopi puestonan di trabou lo disparsé si e empresa lo por sigui eksistí.E sindikato aleman pa e personal di kabina a bisa ku lo no tin akshon di wèlga di bònt di e organisashon.Air berlin a anunsiá e siman aki ku tur nan rutanan pa teritorionan den Karibe inklusive esnan ku konekshon entre Düsseldorf i Curaçao, for di 25 di sèptèmber próksimo lo keda kanselá.
Fuente: www.vigilantekorsou.news