Brug den construccion ta bin abao matando por lo menos 16 persona

0
RBC Juli 2018
Funmiles-2018

NEW DELHI, India- Un brug cu tabata den construccion a bin abao y ta cay ariba un caya yena cu auto. Cantidad di victimanan ta sigui crece.

Un pida di e brug den construccion eleva a colapsa diamars den e parti noord di India, lagndo al menos 16 persona morto, ora cu’n pida di concret a cay den un caya yena cu auto, segun funcionarionan di desastre.

Autoridadnan tabata tin miedo di cu lo tin mas persona pega bou di e concrete dne e ciudad di Varanasi, cu tambe a placha cuater auto, un brommer y un bus. No ta conoci cuanto persona lo tabata tin den e autonan. E pida concrete tabata midi al menos 15 meter di largura y dos meter di hancho.

“Loke nos a scucha tabata un desordo y un rato despues nos a wak autonan placha, segun e residente local Ramesh Kumar Singh den un entrevista telefonico. “A tuma nos un rato prome cu nos a realisa kico a pasa”.

Mayoria di e victimanan mortal tabata hende cu tabata den nan auto”, segun autoridadnan policial.

Den oranan di anochi, rescatistanan a saca al menos tres persona cu bida for di bou di e ruinanan, segun un comunicado di e Forsa Nacional di Respuesta na Desastrenan.

E funcionario mas halto di e estado a duna orod pa investiga motibonan pakico e brug a bin abao. El a anuncia tambe cu lo paga un suma di 500 mil rupia (7200 dollar) na e famianan di cada victima mortal.

India tin un historia largo di accidentenan di construccion causa pa materialnan di calidad inferior y trahadonan no capacita.

Fuente: INFOBAE

Comments

comments

C: Heineken
new india
dvg