Diabierna anochi den un ambiente fenomenal y cu hopi publico a cuminsa e playoff di futbol di Aruba cu ta restora bao di A.V.B. den un stadion Guillermo P. Trinidad cu hopi fanatico di ambos team. E prome wega a bay entre Sv Britannia Bright Bakery contra di Sv Dakota Island Window’s & doors. E alinacion di Sv Britannia tabata como lo siguiente; Lionel Kaarsbaan, Theric Ruiz, Rodymar Paesch, Miguel Guiterrrez, Sylvester Schwengle, Renier Paraez, Luis “Coco” Estrada, Johnatan Ruiz, Alex Hassell, Luis Carlos Croes y Bruno Conceicao. Como suplente tabata tin; Ericson Croes, Aljee Feleciana, Kendrick Dania, Jeanpierre Fingal, Denrick “Denden” Lopez, Sebastian Montoya y Mairon Gutierrez. E wega a cuminsa unda cu e oncena di Paradera/Piedra Plat a cuminsa domina e wega y a crea 3 oportunidad di gol hopi trempan den wega. Sv Britannia Bright Bakery a keda domina e wega sigur pa 20 minuut te ora cu Dakota a cuminsa trece balansa den e wega. Tabata na di 35 minuut di wega cu Ezra Bosnie ta pone un paso largo pa Ricky Hodge y unda cu e keeper di Britannia Lionel y Ricky Hodge ta dal den otro y referee ta pita pinalty pa Sv Dakota. E pinalty ta wordo tuma pa Emile Linkers cu ta un hungado di seleccion di Aruba naci na Corsou y cu a hunga futbol entre otro na Hulanda y Indonesia y Emile Linkers ta manda Dakota ariba 1-0 y pa halftime drenta cu e bentaha minimo di Dakota ariba SV Britannia Frisian Flag. Den di dos tempo SV Britannia Bright Bakery ta haci un cambio y e delantero Sebastian Motoya Cano ta drenta wega na luga di Sylverster Schwengle kende a sufri un leccion. Cu e cambio aki SV Britannia a aumenta su dominio ariba Dakota y por bisa cu mayoria di dos tempo SV Britannia Western Union a domina e wega y cu un Dakota cu aki aya tabata for di peliger pa e portero di Britannia. Na di 20 minuut di dos tempo despues di un corner Theric Ruiz ta haya e bala ariba su pia robes un den un media bueltla ta deposita e bala den net pa e gol di empate. Hopi a considera e gol aki un joya di gol. Di e forma aki tambe referee Colina ta fluit pa e final di e wega y unda cu tur dos team ta bay cas cu un punto. E proximo wega di Sv Britannia lo ta diaranson 17 di Mei contra di Dep. Nacional y di otro banda Dakota mester enfrenta RCA diahueps 18 di Mei. Diasabra anochi RCA ta gana Dep. Nacional cu score di 2-1 y mas y mas e weganan di playoff ta bira mucho mas interesante. Pabien na SV Britannia Bright Bakery y Dakota cu e empate y nos mester menciona cu Dakota manera custumber a yena tribuna banda pazuid mientras cu Sv Britannia a sorprende cu masha hopi fanatico tambe.