Dialuna prome cu 9 or di mainta den prizon KIA a surgi un problema entre dos preso cu a termina na hincamento. Segun informe pa algun tempo caba e detenido G.Martina ta haci algonan no agradabel cu un otro detenido door di scupie y tira orina riba esaki y esun cu a bita victima pa basta tempo a fada. Den esaki a start un bringamento formal cu a termina cu Martina hinca den su banda. Ambulance a presenta na KIA y cu urgencia a transporta e sospechoso pa hospital pa atencion medico avansa debi a perde basta sanger.