Brazil y Venezuela Campeon di Beach Tennis Panamerican Championship 2017

0

Sigur algun dia tras di lomba, caminda e amantenan di e deporte di Beach Tennis por a disfruta di weganan riba nivel super halto, yena cu emocion y tambe sorpresanan caminda teamnan cu a yega final no tabata e faboritonan y algun di nan cu a cay afro ya desde e di 2 buelta. Diadomingo, 12 november, e weganan di ITF Panamerican Championship a termina diadomingo riba un Eagle Beach completamente yen
E final den categoria femenino a wordo disputa entre 2 ekipo di Brazil cualnan ta Joana Cortez y Rafaella Miiler contra Samantha Barijan y Marcela Vita. E duo Cortez y Miiller ta logra gana y asina aki hiba e titulo di campeon pa nan pais Brazil. Den categoria masculino, 2 ekipo di Venezuela a bataya duro den semi final pa asina por a yega na e ultimo partido, pa wak cua di nan lo keda cu e titulo maximo. Ramon “Nacho” Guedez hunto cu su partner Ali Colmenares a enfrenta Jorge Peñalver y Jesus Rodriquez. A tuma Guedez y Colmenares 2 set pa a termina e wega pero sigur nan mester a lucha pa a haci esaki.
Pues na final Brazil ta gana den categoria femenino y den categoria masculino Venezuela
Beach Tennis Aruba kier a manda un palabra di danki na cada un cu a bin presencia e weganan durante e Panamerican Championship 2017 y alabes kier a invita Aruba completo pa pasa na Eagle Beach entre 13 y 19 november caminda lo tuma luga e ITF Aruba Open 2017 cu un cantidad di mas cu 1400 participante.

LEAVE A REPLY

Please enter your comment!
Please enter your name here