Den e dianan aki e team di Train Hard Fight Smart di Brazil Taekwondo Stichting ta riba caya ta bende e calender di 2017 pa asina cumpli cu nan benta pa e biahe pa Korea. Asina por mira e muchanan na Valero Savaneta y na New Food Center na San Nicolas. E automobilistanan ta cumpra calender y e clientenan cu ta haciendo nan ultimo compranan pa pasco tambe ta cumpra calender.
Asina por a mira Marlin di Seppa ta cumpra e calender y varios otro hende tambe ta cumpra e calender 2017 di Brazil Taekwondo Stichting.
Den e dianan aki nos dilanti nan lo sigui bende. Dia 28 di December awor ta e deadline, nan mester bende 300 calender pa nan por yega nan meta cu ta Korea na 2017.
Brazil Taekwondo Stichting ta gradici nos pueblo di Aruba cu ta contribui cu e muchanan, cumprando un of mas calender for di nan.