Den fin di siman a tuma lugar e di 9 Costa Rica Open G1 y 4 atleta di Brazil Taekwondo Stichting a representa nan bandera na grandi na San Jose, Costa Rica y a logra 1 plata y 1 brons.
E 4 atletanan di e team di “Train Hard Fight Smart” ta Rasheed Lowe, Hakeem Lowe, Záhyon Klabér y Jourdé Klabér. Nan a demostra un biaha mas cu nan ta ariba e bon caminda y a logra bin cas bek cu 1 medaya di plata cu a bay den nomber di Hakeem Lowe y 1 medaya di Brons cu a bay den nomber di Jourdé Klabér. Un tremendo trabou di preparacion cu a duna su fruto, pero ainda falta. Rasheed Lowe y Zahyon Klabér no a logra gana nan pelea, pero a laga un bon imprecion atras cu na Aruba tin atleta di nivel.
Awor cu Costa Rica ta tras di lomba ta preparando pa e President’s Cup cu ta un G2 y clasificasion pa e Pan Americano na aña 2017. Mirando cu e ta un clasificacion pa e Pan Americano na aña 2017 nos di Brazil Taekwondo Stichting ta pone hopi enfacis ariba e preparacion pa asina clasifica.