Diasabra ultimo e team di Train Hard Fight Smart a bolbe su cas di training, despues di basta tempo a logra train na Sero Colorado bek. A cuminsa cu e interval training for di e tennis court te na Sero Colorado y bin bek na e tennis court.
Aischal van der Linde y Aaron Jacobs ta den e avalancha di e team di Train Hard Fight Smart y training ta sigui hunto cu e preparacion pa Best of the Best, President’s Cup na Portland, Merca, TK5 na Corsou y e campeonato Mundial na Canada. Tur esaki ta pone cu training ta sigui ariba e nivel mundial. Esaki ta posibel na Brazil Taekwondo Stichting, pasobra tur e miembronan ta mira den un direccion.
Training na Sero Colorado no ta facil, pasobra nan mester train na cada post y despues core bay na e siguiente post. Tabata tin 4 post, cuminsando na e tennis court, sigui pa e santana di cacho, despues pa final di e caminda y despues na e Sero Colorado mes. Ora cu nan a caba nan mester a core bay bek te na e tennis court na unda cu nan a cuminsa prome.
Lixsandra Bello y Dilon Brown ta e dos nobonan cu a drenta e team di TK5. Manera a ser bisa cu nada no ta bin facil, mester pone di bo banda si bo kier logra bo meta.