Brazil Taekwondo Stichting su team di “Train Hard Fight Smart” a los nan pianan na e tennis ball court na Seroe Colorado den preparacion pa Suriname

Den fin di siman training a sigui manera ta plania pa e team di “Train Hard Fight Smart” di Brazil Taekwondo Stichting na e tennis ball court di Seroe Colorado. E directiva di Brazil Taekwondo Stichting ta hopi satisfecho cu e trainingnan na unda cu e atletanan ta hopi motiva pa e encuentro di dia 16 di februari na Suriname.

E premionan na Suriname ta cla caba y tambe nan poster cu e paisnan ariba. Nos no sa kiko tur ta wordo prepara na Suriname, pero un cos ta sigur di e team di Aruba, cu ta e  prome lugar nan ta bay busca y ta train duro pa esaki tambe. Otro siman lo cuminsa train paden ariba bringamento so cu e sistema electronico te cu dia di e biahe pa Suriname.
Esnan cu kier sostene e team di Train Hard Fight Smart por haci esaki door di cumpra un carchi di car wash na unda cu e team lo laba bo auto blit blit. E car wash ta dia 24 di Februari pa asina cuminsa prepara pa Puerto Rico, por yama 561-6825 pa bo carchi of djis trece bo autonan na Centro di Bario Brazil. Bo sosten ta bay 100% pa e atletanan di Brazil Taekwondo Stichting.