Den fin di siman a tuma lugar na nos hermana isla Corsou e di 6 TK5 y TK2 y Aruba, Corsou, Venezuela y Surinam a participa. E evento a tuma lugar na Club Don Bosco y e team di Aruba tabata compaña cu un grupo di prensa for di Aruba.
E dos teamnan di Aruba tabata den e categoria infantil cu a consisti di e siguiente atletanan: Elijah Mackey, Lixsandra Bello, Danon Delamore, Joshua Klabér y Schandirow Schmidt y den e categoria junior cu a cosisti di e siguiente atletanan: Hakeem Lowe, Záhyon Klabér y Jourdé Klabér nan a wordo renforsa cu dos atleta di Corsou: Shadeon Donker y Juan Felipe Diaz pa asina bringa contra di e team di Venezuela y asina e team di junior a logra gana for di e team di Venezuela den overtime.
E team di infantil a bringa nan prome pelea y a gana for di Surinam cu un score di 35-34. Den e di dos pelea Aruba a perde contra di Corsou cu un score di 19-28. Despues Corsou a perde for di Surinam y a haci cu tur 3 team tabata tin 1 pelea gana y 1 perdi. Aki a bay over na esun cu tabata tin mas hopi punto pa mira ken lo gana. Aki ta unda cu Aruba y Surinam tabata tin un total di 54 punto hunto.
Aruba mester a bringa contra di Surinam pa mira ken lo sali ganado y asina Surinam a gana for di Aruba cu un score di 21 -15. Aruba a keda na di dos luga y Corsou na di tercer luga. Un pabien grandi ta bay na e team di Aruba cu nan segundo luga.