Brazil Taekwondo Stichting a reuni hunto cu su miembronan tocante di e biahe pa Korea

0

Diaranson anochi dia 28 di December e miembronan di Brazil Taekwondo Stichting a reuni pa asina pone tur e nombernan cu ta bay Korea na Juni/Juli/Augustus 2017.

Un reunion cu a wordo plania for di luna di September pa asina duna tur hende cu kier bay Korea e oportunidad di cumpli cu e tarea di bende e calender di aña 2017. Mirando cu e team cu a logra cera pa bay Korea ta di 6 hende so a opta pa un atleta mas bay, pero e lo bira un punto di discusion den 2017 den e siguiente reunion. Josefa Willems a tuma tur cos den beslag pa analisa tur cos bon pa asina tin tur cos na ordo. E bukinan lo wordo entrega na Accounting na Januari pa asina por cuminsa cu e relato financiero di 2016. Danica Delamore a bisa tambe tocante di e entusiasmo cu tin di tur esnan cu a biaha pa Korea na 2015 y tambe mirando e resultadonan cu e atletanan a trece Aruba bek cu tabata algo unico. Henk Meijer kende ta e guia di e team di Aruba lo bay evalua tur e plan pa Korea pa asina duna nos tur e datonan di training, campeonatonan y bishita na Kukkiwon na Seoul. Na luna di Januari lo menciona tur esnan cu ta bay Korea, pasobra ainda tin e lucha y speransa di ta bon representa na Korea. Durante di e reunion a trece varios otro punto tambe pa dilanti, manera e reultado di e Cena di Pasco unda cu ya caba tin ideanan nobo pa e Cena di Pasco di aña 2017.

E miembronan awor lo mester mira e plan di 2017 pa asina bin cu e cambionan necesario na e proximo reunion den 2017 pa asina determina a direccion di e atletanan. Training ta sigui normal, pasobra e team pa Surinam su di 5 TK5 ta forma hunto cu un atleta di reserva, pasobra nos kier bin Aruba cu e di 5 Copa.