Diahuebs anochi Brazil Taekwondo Stichting a reuni hunto cu mayornan di e atletanan nobo pa asina cuminsa prepara pa fin di aña 2016. Brazil Taekwondo Stichting ya caba a cuminsa prepara pa e Cena di Pasco como e fiesta di fin di aña, pero training lo sigui te cu dia 23 di December.
Un preparacion cu a cuminsa na luna di October pa asina por tin tur cos cla pa dia 10 di December pa e Cena di Pasco, pasobra esaki ta wordo celebra na grandi. Na e Cena di Pasco semper ta saca e atleta di aña y demas premionan. Prensa tambe sa hunga un rol hopi importante den esaki. Durante di e reunion varios mayornan cu ta nobo den esaki a haci preguntanan pa asina nan haya sa con Brazil Taekwondo Stichting ta traha. Ainda tin varios actividad prome cu fin di aña, manera President’s Cup na Portland Oregon, USA, TK5 Corsou, campeonato Mundial na Canada, campeonato di San Nicolas Taekwondo Center, eleccion di directiva, examen di faha di color y e Cena di Pasco. Tambe ta preparando pa e yegada di Henk Meijer kende ta bin Aruba dia 7 di November y ta bay bin cu e plan pa Canada y e plan di aña 2017 cu ta Korea.
Henk Meijer no ta djis zomaar iemand y ta bolbe Aruba bek despues di e camp training cu a tuma lugar na luna di Juli, e biaha aki Brazil Taekwondo Stichting tin varios puntonan pendiente pa asina reuni hunto cu Henk Meijer.