Dialuna ultimo e team di Train Hard Fight Smart a subi caya bay na e scol di Master Eric Barry di San Nicolas Taekwondo Center pa asina mira kende ta The Best den “ Who’s the Best”
Master Eric Barry hunto cu Shaul Illidge a warm up tur e atletanan pa asina por a cuminsa match e 14 bringadonan. Master Eric Barry a match tur e atletanan y e mester a para referee tambe. Un di e cosnan di mas bunita tabata di por a mira hopi mayor di e atletanan presente ta mira nan yiunan bringa pa prome biaha. Por a mira esunnan di mas chikito tira scop tras di otro y a mira un inspiracion grandi den e muchanan. Mayornan ta apoya yiunan. E resultado a duna di conoce cu tin trabou pa haci den e chikitonan cu ta creciendo y cu a subi veld pa bringa pa prome biaha. Brazil Taekwondo Stichting ta hopi contento cu e resultadonan y ta felicita tur e participantenan di ambos scol cu tabata tin hopi curashi.