Myron Adams, Lixjandra Bello, Akeal Richardson, Guadalupe Amadoro, Rodrick Ras y Zahyon Klabér a sali best fighter na e di 8 Gold Coast Taekwondo Cup.
Diasabra ultimo a tuma lugar e di 8 Gold Coast Taekwondo Cup organisa pa Brazil Taekwondo Stichting. Esaki ta e di dos clasificacion pa Best of the Best 2017 y e best fighternan aki a gana nan participacion pa Best of the Best 2017 caba. Atletanan di San Nicolas Taekwondo Center bou guia di Master Eric Barry y coach Shaull Illidge a logra sali best fighter: Myron Adams, Akeal Richardson y Rodrick Ras. Guadalupe Armadoro di Stichting Tiger Taekwondo Aruba a sali best fighter den e categoria di cadet femenino. Guadalupe Armadoro a logra gana Rushineldy Lejuez di San Nicolas Taekwondo Center.
Lixjandra Bello y Zahyon Klabér di Brazil Taekwondo Stichting no ta nombernan desconoci den nos comunidad, nan a demonstra un biaha mas di ta bringadornan estelar y e refereenan sin duda a scogenan como nan mihor bringadornan den nan categoria.
Brazil Taekwondo Stichting ta hopi contento cu e best fighternan aki na e di 8 Gold Coast Taekwondo Cup y automaticamente nan a wordo selecta pa Best
of the Best 2017.