BRASILIA, Brazil- Un hues Brasilero a duna ordo di suspension di entrada di inmigrantenan Venezolano, via terestre.
E magistrado a determina cu e suspension lo ta te ora cu gobierno di e presidente Michel Temer, acelera e plannan pa reparti esunnan recien yega pa otro estadonan di Brazil.
Helder Girão Barreto, hues di e estado di Roraima, frontera cu Venezuela, a duna ordo pa prohibi entrada di Venezolanonan, via terestre den territorio Brasilero.
E argumento ta cu estado di Roraima lo ta sobrecarga di inmigrantenan y no lo no tin condicion pa atende cu e demanda di servicionan publico, ainda mas grandi genera pa e fluho migratorio.
E hues ta recomenda pa entrada di Venezolanonan na Roraima wordo permiti segun e salida di inmigrantenan for di e estado, pa medio di e “proceso di interiorisacion”.
Siman pasa gobernador di Roraima, Suely Campos, mediante un decreto, a endurece e politicanann di control di straheronan y a limita e acceso na Isanidad door di stranheronan.
Den su decision, Campos a duna ordo pa deporta tur stranhero cu comete un crimen y cu e hospitalnan duna prioridad den atencion na e localnan
E gobernador a argumenta cu su decreto tin di haber cu algun luna atras el a pidi Supremo Tribunal Federal (SFT) pa cera e frontera cu Venezuela, pero esaki a wordo nenga.