Diahuebs 21 di juni 2018 a tuma luga den CDGT na Dakota e prome wega di e play-off final di Aruba su Futbol Division uno. Entre e dos rival nan cu actualmente ta bringando pa logra subi den e Division Maximo di Aruba su Futbol cu ta Division di Honor.
Brazil Jrs contra di United , e dos ekipo nan aki a logra clasifica como number uno den na respectivo grupo United na prome puesto den grupo A, y Brazil Jrs na prome puesto den grupo B. Despues di e campeonato regular dos ekipo di cada grupo a logra clasifica y asina hunga dos buelta pa asina logra haya e dos finalista nan pa hunga e gran
Final.
Ekiponan cu a logra clasifica tabata United y FC Porto den grupo A y Brazil jrs y RCS den grupo B. Y for di aki nan United y Brazil jrs ta logra clasifica pa e gran Final.
Den e prome wega , nos mester bisa cu den e prome 45 minuut nan di wega tabata United tabata e ekipo cu a hunga un miho futbol y a crea basta oportunidad , e ekipo di Brazil jrs a hunga un prome tempo full desorganisa , no por a crea ningun peliger pa nan contrincante.
Den e di dos tempo e entrenando di Brazil jrs Sr. Franklin Priest a sa di duna su ekipo un tarea caminda cu a bisa nan cu ta FINAL nan ta hungando y su meta ta pa titula Campeon.
Brazil jrs a sali todo por todo y a crea bon oportunidad nan di peliger riba e arco di United , caminda cu na di 57 minuut di wega Samson Occean #19 ta logra habri e marcado pa bay ariba 1-0.
Despues di aki nan wega a cuminsa bira poco bruto y tabata referee Peer Bastiaans cu a sa di domina e hungado nan cu su carchi y por a controla e situacion.
United buscando e gol di empate den un atake na di 84 minuut di wega tabata e hungado Michael Molinares #7 ta logra score e gol pa empata e wega , caminda cu riba un fayo di e portero di Brazil jrs.
Final di e wega ta termina den un empate na un gol pa banda. E wega a wordo dirigi como arbitro principal Peer Bastiaans , asisti pa S.Granvield , J Fernandez y na mesa D.Christiaans y como Match Commissioner F Dijkhoff. Proximo wega lo tuma luga Diadomingo 24 di Juni den CDGT pa 8 or pm.