Dialuna atardi un famia a dicidi di bay cana altura di Golfweg banda di e golf course un miembro di famia a sak den otro. Ta trata di un señora di 77 aña di edad a bira malo durante e canamento y a colapse y no a reacciona mas.
Debi cu tur ambulance tabata ocupa y pabou di brug bezig cu asistencia Centro di Alarma 911 a manda brandweer y polis cu urgencia pa e sitio. Autoridad a tuma nota cu e señora benta abou no tabata hala rosea mas despues di a haya un ataca di curason. Aki e centralist a instrui personal di brandweer pa cuminsa cu CPR.
Mientras a despacha ambulancenan cu urgencia pariba, y na yegada di personal di ambulance ya caba a sinti e perosna tabata tin pulso pero debil. Mientras a traha cu e victima basta rato a bay cune abou unda polis a cera e caminda den area di L.G Smith blvd pa e ambulance yega hospital mas lihe.
Un tremendo trabou na esnan di e central di ambulance/brandweer, bomberonan y polis cu a haci CPR pa asina salba un bida. Mientras e señora mes a keda interna den ICU.