Diasabra pasa di 3 or atardi un boto local yama Patron a sali for di waf Barcadera cu tres homber abordo. Algo pasa di 4’or atardi algo a bay robes unda e boto a cuminsa pega candela y alarma a keda bati na toren di APA. Di biaha a raporta na polis maritimo y kustwacht pa bay 1 pa 2 miya pazuid di Barcadera.
E tres personanan abordo cu ta persona local a bula na awa mientras un a haya kemadura. Botonan cu tabata den bisindario a bay duna un man di biaha. Maritiem politie a yega y pone e tres personanan riba nan boto y bay waf Barcadera pa personal di ambulance atende cu e persona cu a haya kemadura.