Diabierna atardi e boto Oriana a sali for di Waf na Barcadera cu 5 persona abordo den nan Venezolanonan cu cargacionnan a haya confrontacion na cabes di Aruba. Pa nan no drief y perde nan a dicidi di bin poco panort di Aruba y asina e lama a trecenan te na canto y nan a bin pega na Boca Grandi unda hendenan ta Kite Surf. Polisnan a yega di biaha y Kustwacht hunto cu maritiem a keda poni na altura. E pertenencianan di e personanan a keda afecta pa awa y e boto a cuminsa yena cu awa, e boto ta di un persona local. Personal di Cuerpo Policial di Waf Barcadera tambe a presenta pa mira e situacion y cu takelwagen a saca e boto for di awa y asina bay bek su destino pa controla e fayo den motor.