En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 1 di sèptèmber 2016. Gobièrnu di Boneiru ta partisipá ku e adaptashon di preis entrante sèptèmber 2016 ta resultá den un bahada pa gasolin, kerosin, bòter di gas grandi i bòter di gas chikitu i gasòil ta keda meskos.
E bahada pa gasolin ta ku 4.70 dòler sèn, pa kerosin ta ku 3.10 dòler sèn, pa bòter di gas grandi (100 lbs) ta ku 2.30 dòler i pa bòter di gas chikitu (20 lbs) ta ku 0.60 dòler i pa gasòil e preis ta keda meskos, kompará ku luna di ougùstùs 2016. E siguiente adaptashon di preis di kombustibel lo ta den luna di òktober 2016.
P1014187 Aki ta sigui un lista di tur e preisnan di e produktonan di kombustibel manera stipulá dor di gobièrnu di Boneiru i ku lo drenta na vigor dia 30 di ougùstùs 2016 pa loke ta trata preis di benta por mayor i dia 1 di sèptèmber 2016 pa loke ta trata e preis di benta na pòmp.
Preis por mayor
Mogas 95 90.97 USDct pa liter.
Kerosine 43.00 USDct pa liter.
Gasòil 49.37 USDct pa liter.
LPG 100LBS 21.84 USD pa silinder.
LPG 20LBS 5.57 USD pa silinder.
Preis pa detayista
Mogas 95 97.80 USDct pa liter.
Kerosine 45.60 USDct pa liter.
Gasòil 53.30 USDct pa liter.
LPG 100LBS 27.96 USD pa silinder.
LPG 20LBS 7.08 USD pa silinder.