Boneiro ta celebra su Dia di Bandera

0

Dia 6 di September 1981 e dia a bira oficial, ya cu ta ariba e fecha aki ta recorda cu Americo Vespucchi a descubri e isla aki, na 1499.

Boneiro antes tabata wordo yama “vrouweneiland”. Motibo di esaki tabata cu mayoria hende hombernan tabata nabega pa cual ta e hende muhe tabata keda atras, cuida di cas y cuida di yiunan. Esaki tabata mas tanto pa e poblacion di Playa.

CULTURA

E cultura di Boneiro ta refleha den cara di su habitantenan. Su origen ta varia mescos cu e raisnan etnico di su 19 mil habitantenan. E berdadero cultura Boneriano ta bay bek varios generacion y ta hancra den e cantica y bailenan cu ta wordo presenta durante e dia festivo y tambe e festivalnan. E ta basa tambe ariba e lasonan familiar fuerte y un respet general pa naturalesa y un comprondimento cu originalmente tabata straño pa e prome habitantenan como tambe esclabonan cu tabata traha ariba e tera straño aki.
Tabata durante e dianan na comienso di sclabiturd cu a pone cu e hendenan mester tabata fuerte en bista di tanto adversidad. Y tabata durante e temponan aki cu e spirito di e pueblo ta cuminsa forma y a crea canticanan, a inventa bailenan y a cuminsa canta den e tradicion Africano antiguo. E baile y canticanan a desaroya den festivalnan y a sobrebibi pa ta un parti esencial di cultura y bida ariba Boneiro.

Celebracionnan na Boneiro a cuminsa pa 9 or di mainta cu e hisamento di e bandera riba Plasa Wilhelmina den Kralendijk.

Aruba tambe ta conta cu’n comunidad Boneriano grandi aki na Aruba y e aña aki, mescos cu añanan anterior tambe e lo wordo celebra en grande, cu banda Eso for di Bonaire y tambe lo bay wapa. Esaki lo tuma luga diadomingo 10 di September.

Pabien Boneiro ariba bo dia!